Sunset1 Originally uploaded by cathycardia

Pag-ibig. “Passion”. Pagmamahal.

Naglalagablab na damdamin

Marahil nga, kadikit na ng salitang pag-ibig ang sakit (may hang-over pa ako sa pinanood ko), pero mas masarap isipin (hehe) na ito rin mismo ang lalong nagpapatapang sa iyo, ang nagututulak sa iyo para makipaglaban, at humuhubog sa katauhan mo para mas maging matatag na tao (dahil para sa akin, ang pag-ibig ay hindi pansarili, kung isang bagay na ginagamit na sandata upang proteksiyunan ang mga taong mahal mo)

- - - -

Para sa linggong ito, nais ko sana na kumuha ng mga bagong litrato ng paglubog ng araw sa Manila Bay. Sa kinasawiang palad, ang madalas na pag-ulan ay nagudyok sa Haring araw na magpahinga muna sa likod ng mga ulap. Kaya heto, kuha ko mga dalawang linggo na ang nakakaraan (napost ko na ata itong litratong ito… hehe).

[ Sa totoo, isa sa gusto kong matutuhan ng husto ay ang mga ganitong kuha, ang "sillhouettes" dahil gusto ko ang "dramatic" effect nito ngunit nag-iiwan ng konting misteryo. ]

Tutal, medyo repeat performance ang drama ko, ibabahagi ko na rin ang ginawa ko sa mga kuha ko ng nagpunta kami ng kaibigan ko sa San Miguel by the Bay sa MOA noong Araw ng mga Puso. Ang mga litrato ng nagmamahalan (haha, stalker ba, kaya nga hindi ko magamit ng direkta ang mga litrato, bigyan ko naman sila ng konting privacy?) ay inilapat ko sa litrato ng paglubog ng araw (mga Enero naman iyon).

Hmm.. May naisip lang ako bigla. Nakakatawa pero, sa akin, basta may kilala pa akong mga taong may mala fairytale na kuwento ng pag-ibig, ok na ako. Naniniwala rin akong hindi lahat ay fairytale na mala Disney ang kuwento. Hindi lahat makakikilala ng Prince Charming. Ganoon talaga, kanya-kanya lang yan. Iba-iba tayo ng layunin sa buhay. Lahat tayo may “happily ever after”, hindi nga lang lahat ay natatapos sa matamis na halik (kamusta naman un, baka umaapaw na ng tao ang Earth! hehe)

Maligayang Huwebes!

LP# 7: Umaapoy